星期六, 4月 12, 2014

點解要打呢份工

有時返工同其他crew傾計,佢地都會有種感覺,做crew嘅辛苦,只有crew明白。

其他人聽到,兜句車過去「咁唔鍾意份工,唔好做囉」。

一句收你皮,等你將所有嘢呑返落肚。

我算好好彩,所有朋友都知我好唔鍾意呢份工,但係,冇乜人叫我辭工,只會叫我返少啲/有病就唔好返工/申請無薪假期。

其實,佢地未必好明我嘅工作係點,但每次呻到樹葉都落之前(係之前!),先會打個底强調我鍾意呢份工嘅咩嘢。

而且,要同朋友灌輸一個概念,喺香港,做crew係唔存在東家唔打打西家呢回事。

我點解要打呢份工?

因為收工就係收工,而且一個月好多時只係返十五日工。