星期二, 9月 17, 2013

又一個關於chix or beef的小故事

空服的工作,有時,其實頗沉悶,與乘客之間的互動,不外乎雞飯定牛薯。

但最近,某班flight上,兩個可愛港女,在某位空服的雞與牛生涯之間,塞進了一些小歡樂。

一人一細篋一旅行袋兩個闊過佢個人的shopping bags,兩女共攜八件hand carry上機,看著也有六個趣,然後港女A及B以高分貝交談:「嘩啲嘢好重呀點拎呀,叫果個空姐嚟托啦!」

果個空姐,聽到這句,已明白她們會是怎麼樣的乘客,當然躲進廚房喝啖普洱避避風頭。

然後,雞與牛時間到了:

果個空姐:「請問想要中式雞肉飯定日式牛肉飯呢?」

可愛港女:「佢地有咩分別㗎?」

果個空姐:「中式嘅係XX汁雞肉飯,日式嘅係YY汁牛肉飯。」

可愛港女:「咁雞同牛有咩分別㗎?」

果個失眠了整夜的空姐,實在想不透這是IQ題還是可愛港女真心膠,她唯有照直答:「Err.......... 咁雞同牛應該係兩種唔同嘅動物囉,個樣都幾唔同㗎。」





17 則留言:

  1. 咁最後佢揀雞定牛 ?

    回覆刪除
  2. 死八公:

    「果個空姐」,希望唔係你。
    不過直覺話畀我知,「果個空姐」的確係你。
    喺雞同牛咁嚴肅嘅人生決擇中,「果個空姐」其實幫唔到「果個港女」幾多,結果每個人都要面對自己做決擇嘅麻煩。「果個空姐」唯一可以做嘅事係祝「果個港女」無論係雞係牛都有一次快樂嘅人生。

    回覆刪除
  3. 真心笑咗出嚟

    回覆刪除
  4. 牛係牛樣,雞咪.............兩位小姐個'很'樣囉........bobo170

    回覆刪除
  5. 小人物3:36 下午

    哈哈~~ 好搞笑嘅港女!!
    個空姐答得好妙 XDDDD

    回覆刪除
  6. 好想知你答完佢地係咩表情XD..係繼續膠落去定係即刻知衰收皮-

    回覆刪除
  7. 香港人,長大了嗎?

    回覆刪除
  8. 我都出左出黎. 好想知洗唔洗形容雞同牛個樣有咩分別同埋結果要左邊種動物?

    回覆刪除
  9. 佢地問得出真係好可愛丫~
    難為位空姐O係唔夠瞓的情況下仲要玩腦筋急轉彎~!

    回覆刪除
  10. 冇法啦, 港女給港男縱壞了

    回覆刪除
  11. 有次機上一名女乘客帶住個細篋想放上行李架,都叫了空姐幫手,不過那個空姐直說不會替她搬,最後是前面一位男乘客申出援手了事。

    似乎大家對把機上所有服務看得太理所當然(雖然機票是很貴沒錯),但想了想,空姐與女乘客都是女子,女乘客自己提不起來的篋為甚麼覺得空姐有能力拿上去?

    回覆刪除
  12. 可愛港女:「咁雞同牛有咩分別㗎?」

    「0我,睇個樣牛林大過雞林。想試下而家就無,下次上網訂啦。」

    回覆刪除
  13. 有冇下集架?!! 好想知之後仲有冇嘢發生....wakakakkaa

    回覆刪除
  14. 雞同牛有咩分別 ?
    雞有兩隻腳,牛呢就有4隻囉。 100分 !

    回覆刪除
  15. LOL 我好想叫佢用下個腦囖

    回覆刪除
  16. 空姐應該將港女兜巴星, 一腳伸落飛機, 哈哈哈

    回覆刪除
  17. 你可以同佢講食雞, 會有雞味, 食牛, 會有牛味

    回覆刪除