星期五, 4月 13, 2012

關於《盛女愛作戰》

這幾天,微博、facebook及twitter都是洗版式的盛女盛女盛女盛女盛女盛女盛女盛女盛女盛女……

大都在討論 —— 到底應否為了識男人而改變自己?

正方:當然不應該啦,太虛偽了,改變了就根本不是自己啦blah blah blah……

反方:當然應該啦,你想要男人,就要迎合他們的喜好,冇理由企硬blah blah blah……

再討論多三千年,還是沒答案的。

若你問我,答案是,最緊要目標明確。

如果你是個沒男人會死的女仔(我在說我自己,ok?),討好男人是天經地義的,因為這樣才可以生存下去呀大哥大姐。

在能力範圍內的,他要求,我配合,絕對不覺委屈。

就算他叫我陪他跑馬拉松,都會盡力一試,雖然喜歡馬拉松式afternoon tea多點。

有人說F小姐很難頂,39歲了,竟然如此天真兼不切實際。

可是,她不過是正方代表嘛,拒絕改變,等待白馬王子,相信愛她的男人就是不論她外表如何仍是愛她。

但,她至少坦白,亦付得起堅持的代價,不等男人養,沒男人不會死。

最恐怖的,不是正方/反方,而是那些被節目嚇一嚇立即變成盲搶鹽亞嬸的女生。

節目出街前,她仍是嚴重公主病患者,將男友當奴隸;節目出街後,知道女多男少世途險惡,決定暫不再逼男友買Chanel包包,考慮對男友好聲氣點怕佢走路。

極品。



10 則留言:

  1. 死八公話:所謂愛情,其實係信仰嘅一種。如果信心動搖,咁咩都玩完。"天真兼不切實際"嘅人,方為正貨。如果揀對象純粹講條件,呢啲係傾生意,唔係談戀愛。

    回覆刪除
  2. 你好, 唔好意思. 想問你一些問題. 你係blog提及過你食安眠藥. 我由以前一星期食三次變為而家日日都食. 食一粒安眠加一粒抗敏. 食完第二日口苦苦. 有時食左安眠藥都訓唔到. 想問問你知道邊隻牌子安眠藥比較溫和呢? 我嘗試過迫自己戒. 但唔食一兩晚藥跟本訓唔到. 搞到自己返工無精神. 謝謝你. Tung
    email :poyuk02244@yahoo.com.hk

    回覆刪除
  3. 認同~~ 睇到後面笑左。

    回覆刪除
  4. Re 1137: 我不知道哪種較好,你還是請教醫生好一點。戒,靠意志。

    回覆刪除
  5. 1) 特區 d 麻 luck咁既質素,唔怪得痰罐C 可以咁hill啦。即刻要搵番佢d淫照泥定下驚先。

    2) 俺都覺得...去波打歌紅酒落club雪茄講ted....都只系上床既理由,and 白馬王子都系床邊故事泥喎。

    3) 有要求有堅持真系好,別人既眼光又真系好可怕,唔系俺一直林緊,排咩隊姐,咪入男廁囉,又唔系未見過大支野...況且或者有機會撞到白馬王子大支野呢,班教練咪成話咩:機會總系留比夠膽"掌握"既人。

    4)18歲比人呃一鑊,40歲只系證明一樣咁易呃.

    5) 識講:為左掌握世紀末兩性系當今經濟全球化大環境當中,充份利用虛擬世界微氣候既優勢,達到最高靈與性既協同,團結系偉大黨中央為核心的緣色思想領導下,把握機遇,從此不再只系剩女營,獨男營...

    系咪有資格做人生教練呢?

    回覆刪除
  6. 我相信愛情,即使失敗過N次,N次都遇上Mr Wrong,即使年到四十,因為妥協的愛情,只是欺騙自己是幸福的。如果愛情參了雜質,那還算愛情嗎?總相信寧缺勿濫,一個人的生活也可以很精彩。身邊有一個不了解你的人,感覺比一個人還要孤獨...

    回覆刪除
  7. 非正式統計,
    全香港男生於節目播放期間,
    生活質素有暫時性輕微提升......

    回覆刪除
  8. 其實我覺得個道理好簡單

    你唔肯改, 我行我素, 無問題, 最緊要唔好呻無, 活得開心。

    最抵死係果d, 又要呻無, 又要唔開心, 又唔肯改, 咁苦果自招, 無人幫到你。

    回覆刪除
  9. 絕對認同:「最緊要目標明確」

    講真,自己開心便是了,知道自己要咩就得啦,不過記緊量度自己可以承受得起的代價。

    如F小姐,她沒有錯,她明確地知道自己想要些什麼。只是,結果好大機會不盡人意,最緊要是她能承受得起,無得怨。

    我覺得,人貴自知,知道自己在什麼位置啦。

    回覆刪除
  10. 曉鏡但愁雲鬢改, 夜吟應覺月光寒, 對妝台夜闌人靜, 不覺又告別了青葱歲月

    tony

    回覆刪除